شجاك شغيرك.....موجنت زين وياي

شجاك شغيرك مو جنت زين وياي
جنت تتلكه جيتي بشوك وبلهفة

وهسة من اجيلك جن ابد ما جاي
يا وسفة شجاك تغيرت وسفة

اشوفك تبتعد ما تنتظر ملكاي
وجنت انت الجنت ابصوتي تتدفه

هسة شما اجيك واحضنك ساعات
تبعد عني واتحسف الف حسفة

ميزانك جنت وتتعدل انت وياي
وهسة شما اشوفك مايل الكفة

ادور حل وادور وين الكاه
هلبت من اشوفك الكه فد صرفة

ولا جن هذا حبنا شكد تعبنا وياه
وركضنا سنين وشوي وبعد نحفه

شجاك شغيرك مو انت الكلت اهواك
وكتلي المرض بس بشوفتك يشفه

مو انت الكلتلي شما تريد انطيك
ولو عالكمر رايد نعلن الزفة

مو انت العشت وياك احلام واحلام
وكوابيسك اجتني وصعب تتخفه

جنت لمن تجي ترتجف كل عضاي
وهسة شما اشوفك راحت الرجفة

صرت سعفة بوجودك مايل وي الريح
بس هسة انتهيت وماتت السعفة

قضيت اعله الكلب بيدك بعد شتريد
جاي تكمل عذابك يا الف وسفة

شجاك شغيرك مو جنت زين وياي
جنت تتلكه جيتي بشوك وبلهفة؟؟؟؟

الله
ابداع في ابداع
قصيدة جميله
ننتضر جديدك يامبدع
تحياتي الك

قصيدة قمة في الروعة اتمنالك دوام الابداع