احلى الومضات العراقية _ يارب تعجبكم

مـن درت عينك شـفت والله عيـون
ومن درت الوجه شفت الشمس طلعت
ودرت الشـعر رأســا اجــانه الليل
لأن خافت شمـــسنا وبالعجل شــلعت


اذا عينك ســـفينة تســــابق الإعـصار
أكيد الســــفن يمها بلا وشك ترسي
ولأن خايف تحسدك يا حبـيبي الناس
علــيك الفلق أقره وآية الكرسـي


جمالك معجزة وخدين مو خــدين
كلـش ضاويات ونورهن يســــطع
وهيه المعجزة بخدودك الحــلوات
لأن أول كَمر ويه الشمس يطلع



انه اكثر حزن من حزنك عليك
نيشاني التفت بس دك على متوني
لو شفتك تهل ادموع علوجنات
انـــه بلا شعور ابجيلك عيوني


وهابي بالحشر نادم على السواه
واجه لربه ذليل ويعتذر منه
ولأن رحمة الاهك فاقت المعقول
غفرله ذنوبه كلها وما عزف عنه
وركض للجنة يبجي ويشكر المعبود
وأول ما دخل للكوثر اتعنه
ولمن شاف حيدر واكف على الحوض
حقد حته عله ربه وفجر الجنة


عركه اعله العلم والعلم ماموجود
وامريكي العلم رفرف على ابلادي
نفس الصوتوا لو نصهم امصوتين
والعباس ترجع كبة الهادي

من كد ماترف ينشاف بيك الماي
وتخجل من ضواك وتنطفي الشمعة
وأظن عشرين وأكثر حملت امك بيك
لان دكة جمالكـ مو شغل تسعة


ما احلم بعد وعيوني اسدهة عليك
غيرك ما اريدة ايدنس احلامي
مشرك ما جنت ما جان اكو اسلام
هسة آنه اسلمت وارد اعلن اسلامي

رئـــيس الدوله شاعر لو يصحله ايصير
لأن شـــــاهد بعينه وعاين الحاله
تمثال الرئيــس انداس بالرجلين
والشـــاعر بقه وما طاح تمثاله

روووووووووووووووووووعه عاشت الايادي

تحياتي

عاشت الايادي ابداع والله تقبل مروري

انتم الاحلى يامبدعين
نورتو الموضوع