الى من يهدد العراق.....شعر شعبي

الى من يتهدد العراق ....

الى من ينشر صواريخه على الحدود .... الى من لايعرف طعم العروبه

الايام يدوالها الله بين الناس .... وتذكر ان الباديء اظلم

وماكان منكم لايمكن نسيانه ... ولن تمحوه السنين




الى من يتهدد العراق ....



ماتت بروحي الحكايا

ونشف بعيوني الدمع

وغابت الدنيا بظلام

وانطفى ضوء الشمع

طارت اسراب الحمام

ومثل روحي جفت عيون النبع

ظلمه دنياتي وحزينه

وهاجرت كل ألاحبه و الرَبع

شكد علينا الزمن قاسي

وذقنا صبار المرارة

وشوك يوغزنا بوجع ماينجرع

السعاده ... مدري وش تعني السعاده

وفرق بين التشوفه وماتسمعه بس سمع

فرق بين الجرح بيك

غيرك يسميه خدش

ويعترض لو تتوجع

وفرق بين العاش تخمه بالملذات وعسلها

وانت تسبح بالدموع وترتوي بمر الرضع

انت ترضى بالحلال ولو شحيح

وهو يغرف بالحرام وابد ما يقتنع

من زغرنا طبع بينا

نضحي للحنو علينا

الصدق بينا وصراحه وماتغير الطبع

نقسم رغيف الكرامه لليودنا

ومانفكر بالشبع

والاهل علمونا دوما

الاسد هواسد والضبع يبقى ضبع

واه ياشباه العروبه ... العراق تهددونه

انزعوها .. ضحكتنا من لبستو فروة السبع

لو نسيتو شكان منا .... من زحفنا

يشهد المطلاع انه ...

والامير عاف أعكاله وشلع

لو تعرفون اسم العروبه !!! والشجاعه!!

ماطمعتم بارض ابوكم

لكن الطبعه خسيس لازم يحركه الطبع

تحياتي

تحياتي الك قصيدة رائعة
وما عاش من ايهدد العراق
تحياتي للجميع

قصيدة رائعة وكلمات راقية تقبل تحياتي

شكرا على هذه الردود المعطره بعطر الورد
وتحياتي للجميع