الى الذي تطاول على رابطة شعراء جامعة الانبار بلسان الشاعر زيد خالد

احبتي
هذا الموضوع
للامانه
نشره الشاعر زيد خالد علي رئيس رابطة شعراء جامعة الانبار
في منتديات عراق السلام
سوف اضعه امامكم
لترو مصير الذي تطاول على اسياده
قال الشاعر زيد خالد علي
أحبتي الشعراء ..
هذه القصيدة ردا على متشاعرين لا يعرفون من الشعر إلا اسمه
اتهموا شعراء جامعة الأنبار الذين سيكون لهم المستقبل القريب ان شاء الله
اتهموا شعراء جامعة الأنبار بسرقة القصائد من الأنترنيت أمام الإتحاد العام في بغداد
ومن هم شعراء جامعة الأنبار ؟؟
هم رابطة طلابية مستقلة تتكون من 25 شاعر شعبي
همهم الوحيد هو الشعر واداء رسالته
وساكتب قريبا جدا تاريخ هذه الرابطة منذ بدايتها لحد الآن
المهم
اتهم بعض المتشاعرين هؤلاء الشعراء الشباب البارزين بالسرقة من الأنترنيت
وأمام جبار الفرحان رئيس الإتحاد العام بعد ان سال عن هذه الرابطة قالوا بالحرف الواحد واجاب نيابة عنهم ( ؟؟ ) :
يمعود يقودهم زيد الطويل وهم يسرقون من الأنترنيت ..
فهذه القصيدة هي مهداة إلى هؤلاء الشباب العمالقة وردا على هؤلاء الكذابين الذين يحاولون بأي شكل تشويه هؤلاء الشباب الشعراء :

هذوله أحنه / إلى شعراء جامعة الأنبار العمالقة

وسفة الـّي حـچالك يائسه أحلامه ..
وبالبصمة عليه تردد ابهامه
وسفة ..
من السماء الدنيا حتى الگاع ..
إذا أفسح مجال بلحظة گـــدّامه
آني الما أهم لليل ..
لو وطـّخ جفن واشتاگ لاحلامه
أنه فراش الطهر لاحضان المعرسين
عسل لو مرّن أيامه
يتطافر يمي زحف الضاعت أرقامه
ويطيح المانفع فد نوب..
غفران السكوت ْ لصوت آثامه ..
أنه الشمس التحود الليل واهل الليل
لو حاول البوم يحرك أوهامه
جبتهه امسايـَر ْ وكلفات ْ
مثل المات ْ ..
لو سـَيـّر ْ على التابوت بانغامه ..
ولفتاتي ولا لفتات ْ ..
دانت من خيالي وعدّت الـّي فات ْ ..
يوجعني الضمير البيه أشوف الناس
وأعبر شطـّه نسمه .. بجسر من كلمات ْ
أنه الدهشة الإجت من جامعة الأنبار
ودوخت المسافة بقلة الخطوات ْ
ناحرني الشعر مرّات ْ
وناحرت الشعر مرّات ْ
وهذبت القصيدة بشفـّة الأيام
وخلدت الورق .. وانعرفت البصمات ْ
قامت بيه نهضة من الصفر بالكون ..
واتـْعدت المية .. وداخت اللحظات ْ
وصرت آني القصيدة اليوم
ووجهي انرسم لهه بطلـّته امرايات ْ
وبقيت أقره الشعر بابداع
رغم ذيچ الظروف .. وشدّة الأزمات ْ
وأنه الما نكـّست رايات ْ
وأنه الما وطـّخت هامات ْ
تحدّيت الليالي بسيف ..
حـِكـْتـَه امن الرمش ْ .. شعره اعله شعره بريح
وحدّيته بدمعتي ..
وتشهد الدمعات ْ
شاعر ..
من اصيح الدنيا تزغر حيل
من اضرب چفوفي وأجر بالحسرات ْ
أوگف عالمنصـّه أنطيهه حقهه بصوت
تشهدله الـــ : ( أعد ) و ( الله ) و ( الصفگات ْ ) ..
منو انت ..؟ وتناحر جامعة الأنبار
أبطال المواقف باصعب اللحظات ْ
منو انت وتناحر شطنه يا مسكين
وتتهمنه بچذب محسوب عالهيهات ْ
ومنو انت ؟؟ وتگلي بكل صلافة عين
گدام الخلگ ، مستهزء النظرات ْ ، :

گبل ما بيك أسكر بعته بارك
وما ردّيت حگك باعتبارك
شنو .؟؟ بيا صفه وتدعو ؟؟ باعتبارك ؟؟
الوقت ضايع لا تتجاوز عليه

أدعوهم لأن ذوله الحقيقة الما
توطـّخ للمصالح يوم تتباره
ذوله الشعر هـُمه .. وهـُمه شعر الكون
واسأل عالشعر ينطوك أخباره ..

ولا تستصغرني يالفاضي بسؤالك
بسؤاي احگوگ والخيبة بسؤا لك
شتظن أزغر بالعيون بسؤا لك ؟؟؟
أنه زيد الـّي حسدته الثريه

أنه زيد العبيدي الخلـّه كل دنياه
تسكر ويه اهلهه بندرة أشعاره
أنه صوت الشعر .. لو سكتت الأصوات
أغني الجامعة المحفوفة بانواره
أنه ( ليث النعيمي ) بـ ( وچــّدهه زماط ْ )
و( اسامه ) البلقصيده سيوله حدّاره
وأنه ( حارث الهيتي ) بـ ( ومضة الجيران )
و ( فلاح ) بــ ( موعة التيلين ) باسراره
رقـّة ( علي الفخري ) و ( شهگة العطـّار )
و( ابراهيم ) هذا حروفة عطـّاره
عزّي بصوت ( أبو العز ) يوم يصرخ حيل
وعلى جسور ( ابن هندي ) الروح عبـّاره
أنه ( اسامه الحميد ) بـ ( كان ياما كان )
تمرد عالقصيدة وبدّل أطواره
وانه ( رائد جمال ) بكل غزل شفاف
وآني ( احمد حسين ) بطول مشواره
و( اياد أحمد ) أنه بـ ( تجليبة الأوطان )
و( ابن نايف ) الجاك سيوفه بتـّاره
أنه ( مصعب ) و ( قيصر ) و ( أحمد ) بكل ليل
أشوف عيونهم عالورق سهـّاره
و( محيي الدين عادل ) من يمرني الطيف
أشهگ بالحنين وأعزف أوتاره
وأنه الجدّه ( مراد ) و(علي ) اسمه اهنا
كرّار القصيدة بدورة أفكاره
هذوله أحنه الـّي قدنه الشعر للتجديد
وكملـّنه المسيره وجينه بالشاره
رفعنه الشعر بانباره
وعـِلـَگنه حروفنه بداره
وعـَلــّگـْنه المجد صورة بإطار الصوت
حيطانه الورق .. والدنيا بسماره
وجاي تگلي انتو ابطال الأنتر نيت ؟؟؟
سـُرّاق القصيدة بليل النـْطاره ؟؟
ولك يا سرقات ؟؟
وشنهو الأنترنيت ؟؟
حتى نبوگ منه ونحمل أوزاره
أحنه انـْباگ منـّه .. وعالفضائيات ..
انقره لـ ( احمد الهندي ) بصوت غدّاره
أتحداك تثبت يل كلامك زيف
أحنه الـّي نحتنه الشعر .. واكـْباره ..
ولاتغلط ْ .. ولا تغلط ْ
غم الإيد غمهه الخانتك بالشط ْ
عمت عين اليمين البالسـّبح تغلط ْ
أحنه الـّي شعرنه اجناح
على أغصان المجد طبـّگ الريش وحط ْ
ميهمنه فكر .. لو منه غار وشط ْ
فتـّتنه الصخور بگطرة الكلمات ْ
وعلمنه الحمام بيا حزن ينغط ْ
ولك بسـّك ولك معروف صوت النـّط ْ
أحنه الشط ْ
يغرگ بينه صوتك بالغلط لو غط ْ
ولك بسك ولك ..
معروف صوت النط ْ

**********
الأسماء الموجودة كلها هي أسماء الشعراء الذين تتكون منهم الرابطة داخل الجامعة .
( وچدته زماط ) قصيدة رائعة للشاعر ليث النعيمي
( ومضة الجيران ) هي ومضة رائعة للشاعر الكبير حارث رسمي رحومي الهيتي ويقول بها :

شوف انته الكرم عند العراق اشلون
أذبح خوتي خاطر أنطي جيراني

ومن گد الميانه الصارت اويه الجار
گام يفوت هو ويذبح اخواني ..

...

( أبو العز ) شاعر عملاق اسمه احمد ماجد ونلقبه أبو العز
وبقية المصطلحات التي واكبت الأسماء داخل النص هي قصائد للشعراء ..

..

وهذا البيت : أحنه انـْباگ منـّه .. وعالفضائيات ..
انقره لـ ( احمد الهندي ) بصوت غدّاره

هذا البيت قصته قصة .. أقول لهذا الذي اتهمنا بأننا يسرق منا الشعراء .. فذات يوم التقوا بمتشاعر كذاب وقال في اللقاء : الشاعر أحمد الذهبي قال كذا زهيري وأنا قمت بالرد عليه بهذه القصيدة : ( ملينه الچذب وليمته وليادوب ) وهذه القصيدة ليست له ولكن هي للشاعر الكبير أحمد محمد هندي النائب العام لرئيس رابطة شعراء جامعة الأنبار اللابية المستقلة واحمد هندي لم يكن قد كتبها ردا على أحد ... ولكن الأروع أنني حين قرأت هذه القصيدة في إتحاد الأنبار كان المتشاعر الذي سرق قصيدة أحمد هندي موجود وقلت له قبل ان أرتقي المنصة أن القصيدة التي قرأتها في كذا يوم وكذا فضائية هي للشاعر أحمد محمد هندي وليست لك .

............

تحياتي

سراب
الوصول

زيد خالد علي

وانا اقول له

تسلم استاذ على هذه الضربه الرائعه لمن تطاول على اسياده
انا سامر الجنابي
اتشرف اني احد اعضاء رابطة شعراء جامعة الانبار
وانته استاذي

ويزيدني فخرا
انا اقرء الموضوع كتبت
لعيون شعراء جامعة الانبار
وردا على كل من يتطاول عليهم
اكول
:::::::::::::::::::::::::

يا وسفه صار الشعر ياهو اليكوله عله
لا تفتخر بالعلو احنه البنينه العله
ما اعتب اعله الشعر بس انه اعتب عله
البيه مات الشرف ما عنده ذرة شرف
احنه ابواب الشعر وكل الي عندك شرف
فتكك كبر دنيتك متكلي منك شرف
شما رفت منك تظل بعيون ناسك عله

::::::::::::::::::::::::::::::::::::::::::::
تحياتي
الشاعر سامر الجنابي

عاشت الايادي يامبدعين
وانتم اهل لها
ياابطال
تحياتي الى كل رابطه شعراء جامعه الانبار

عاشت الايادي يامبدعين
وانتم اهل لها
ياابطال
تحياتي الى كل رابطه شعراء جامعه الانبار

تحياتي لكم

» امسية منتدى شعراء جامعة الانبار : الثلاثاء \ 1 \11 \2011
» صور جامعة الانبار
» اقليم الانبار ’’’ بقلم الشاعر احمد هندي
» قصيدة يا بوي الشاعر سامر الجنابي
» معرض الحيوانات المحنطه قسم البايو جامعة الانبار