سامر الجنابي مؤسس المنتدى
عدد المساهمات : 331 نقاط : 5263 تاريخ التسجيل : 27/07/2011 العمر : 34
| موضوع: امسية منتدى شعراء جامعة الانبار : الثلاثاء 1 11 2011 الأربعاء نوفمبر 02, 2011 10:10 am | |
| بسم الله الرحمن الرحيم اقامت رابطة شعراء جامعة الانبار امسيه شعريه في يوم الثلاثاء 1 \ 11\ 2011 وقد حضركلا من الشعراء
1:الشاعر: عمر الحديثي
2:الشاعر: محمد نايف العبيدي
3:الشاعر: ليث الفارس
4:الشاعر: محي الخالدي
5:الشاعر: سامر الجنابي
6:الشاعر: محي الحمداني
7:الشاعر: عمر العكيدي
8:الشاعر: مصطفى العباس
9:الشاعر: امجد الضياف
10:الشاعر: حامد الهيتي
11:الشاعر: ايوب الهيتي
::::::::::::::::::::::::::::
القو اجمل القصائد اخترت لكم منها
قصيدة الشاعر : ليث الفارس
ملت هاي عيني وما تشوفك زين وما تدري الغرور ايكسر جناحك
يا شجرة زماني الاسكي بيها سنين ياهو الي اجاك وظاك تفاحك
انه مكاسر عذاب وي عذاب الليل وادور يا قفل يرهمله مفتاحك
انه اسحب كلامي واعتذرلك ليش؟ خايف لا تقرر تسحب سلاحك ؟
انت اخر جرح تتحمله الصفنات وانت اخر ليله تكظي بنور مصباحك
شكيت الحلم لمن علي مريت وتهموني اعله حلمي وصرت ذباحك
شجاك شغيرك ولغيري درت البال وانه كلي يحبك وانتا خذ كلي
اذا ابالك شخص خبرني حته ارتاح واذا ابالك جرح هم لازم تكلي
انه شفتك سفينه وصافنه اعله الماي وحاير وين ترجع ياهو اليدلي
دليتك ولكن مالي حظ وياك اجيت بكل جرح سجينك تخلي
روح وشوف غيري يكظي عمر وياك ولا تفكر جنت لا ما جنت خلي
بسبب حبك جروحي تصلي تالي الليل خاطر من اخلص كامت اتصلي
::::::::::::::::::::::::::::::::
قصيدة الشاعر : عمر العكيدي
صفنة هواجس
لان صفنة هواجس تهدم الحيل خشن جدم العقل من المشاوير
خيالك حب خيالي شافه مكسور شحب لونه وتخظر بي تعابير
انفطر كلبه خيالك يحضن الكاع وجردنه انه وخيالي جي نواطير
ولك كلبك شلعته وميت انطاك كلبه تعيش تكسر خاطر الغير
شنو ذنبي الشماته عني يحجون وتشل احساس بخت ها التصاوير
انه كبلك حجولي وكالو انساه لان حساد كتلك بالك تحير
ماي الزرع يوصل يمه مرتاح وتهمة البوك توكع عا النواعير
::::: وبخت وسفه متملك لاحظ انته ودشوف شلون طبعك لاحظ انته حبيبك انه ميت لا حظنته ولابالجذب تترحم عليه
::::
طشيت الكرامه الدربك افراش لا تنكر اثر جدمك علامه
فكست العين صدك والسبب جان متباوع عليك اعله الكرامه
شسويك بعد ياظالم الروح عدوني ابعذابي ويا اليتامه
غرام الكلب جو البحر مضموم طلع اكبر رفع بحرك غرامه
صار الحزن اصلا لليعشكون بغير العشك ما يقبل اقامه
يا ربي حكمتك هذا موحال كسر خاطر عيوني وتبجي يامه
اكله اليوم رايح ادفن الروح يكلي ماشي توصل بالسلامه
::::::::::::::::::::::::::::::
قصيدة الشاعر: سامر الجنابي يشبهونك شمس
محتاره القصيده تريد توصف بيك ما عدها وصف وتشبهه بعيونك
يالعيونك سما وبيها السحر الوان اخذ قوس القزح الوانه من لونك
يبو عيون الشمس جفنك حرام ايطيح تنكسف الشمس لو رمشن جفونك
يعكس نور عينك ها الكمر بسماه شمعه بلايه نار الكمر من دونك
يشبهونك شمس انت احلى منها هواي تتباها الشمس بيها يشبهونك
يسمونك بحر مرات قارب ريح تكف لعقول كلها وما يسمونك
يا روجت بحر نظراتك من تفوت مثل روجة زلازل وصلة جروفك
غركتنه وبلتنه ورجعت الروجات شتظن مجنونه هيه ورايده تعوفك
يبو عيون السيوف البيها ماتت ناس ما عدهم دروع اتكابل سيوفك
لان عينك حرب ورموشك الرايات وسيوف النظره تذبح ياهو اليشوفك
ما لازم اذا هي القصيده تحير لو تصفن الك لو مرن حروفك
تشبهك بيك لازم حته لا تحتار وتخطفلك صور لو مرن طيوفك
::::::::::::::::::::::::
جميع الحقوق محفوظه لمنتديات جامعة الانبار https://alanbarun.forumarabia.com بتخويل من الشعراء المذكورين ::::::::::::::::: تحياتي الشاعر: سامر الجنابي | |
|
محمد العبيدي مشرف الاقسام الادبيه
عدد المساهمات : 1 نقاط : 4596 تاريخ التسجيل : 30/09/2011 العمر : 34
| موضوع: رد: امسية منتدى شعراء جامعة الانبار : الثلاثاء \ 1 \11 \2011 الأربعاء نوفمبر 02, 2011 11:57 am | |
| تقرير انيق يا سامر .. والشعراء كانوا مبدعين شكرا جزيلا لك | |
|
(فتى الظلام) new moon
عدد المساهمات : 101 نقاط : 4722 تاريخ التسجيل : 17/10/2011 العمر : 36
| موضوع: رد: امسية منتدى شعراء جامعة الانبار : الثلاثاء \ 1 \11 \2011 الأربعاء نوفمبر 02, 2011 4:54 pm | |
| لقد قرات وتمعنت بالقرائه ودخلت ما بين الاسطر,
::كتبـــــــــــــــــــبت فـــــــــــــــــــــــــــأبدعتــ ,
::ليس لي الكلام الكثير بعد ما قرأت لكــمـ ,
::الا ان احجز لي مكان فـي موضوعكـــم ,
::فشكرا لكــم على هذه الكلمات الرائعه ,
::التي تحمل بداخلها جمال قطرات الندى,
::فانتــم الاروع يا اخـوتـي الغـوالي,
::باطروحاتكــــم الرائعــــــــه,
::وقــــــــــــلمكــم الاروع,
::شكرااا لكـمـ,
::دمــــــتم,
::بخيـــر, (فتى الظلام) | |
|
عاشق الصمت المدير العام
عدد المساهمات : 305 نقاط : 5168 تاريخ التسجيل : 28/07/2011 العمر : 36 الموقع : bashar872002
| موضوع: رد: امسية منتدى شعراء جامعة الانبار : الثلاثاء \ 1 \11 \2011 الأربعاء نوفمبر 02, 2011 7:52 pm | |
| قصائدرائعه يامبدعين انتم رمز الجامعه الثقافي دامت لنا ابداعكم ونطالب من رائسه الجامعه الاهتمام بهذه الشريحه المهمه في الجامعه وتوفير مكان مناسب لهم ليتسنى لهم اقامه المهرجانات الشعريه تشجيعا لهولاء اصحاب الاقلام الحره
لاتحرمونا من ابداعاتكم نتمنى نشرها في هذا المنتدى لانه يمثلكم اولا وشباب الجامعه ثانيا
تحياتي لكم جميعا عاشق الصمت المشرف العام لمنتديات جامعه الانبار | |
|