قصيدة دايني فرح _اتمنى تعجبكم

دايني فرح بلكي الحزن انساه
يالعايش افراح او دوم متهني
احسبني يتيم اوجاي يوم العيد
ونه ابعازة الفرحة من زغر سني
دفك جيس المحبة ونطي للمعتاز
اجيتك ماد ايد ابكلب متعني
اروح المن بعد عيناك يابو الشوك
ونته اول الناس بشوكي تفهمني
اغنيلك غنه المجروح تالي الليل
ونته ابفركتي مرتاح وتغني
دوهني هواك او حيرتني سنين
واكتم مااكل للناس دوهني
خاويت الحزن لجلك اوكلت ايهون
او على مودك اطب للنار متعني
تجويني ابجمرهه وانه اكول افيش
ونته امصدك ابنارك تجملني
وتسالني اعله حالي ولك يابطران
تدري ابحالتي معقولة تسالني
سكته وياك خلهه او لاتهيض اجروح
اجروحك سكتتهن ليش تلجمني
عاشرت الصبر وتجرع الكاسات
او ركضت اوياك ياما او خيبت ظني
رسيني اعله حاله او كلي شنهي الراي
لو ترجع حبيبي لو تودعني

روعة كلمات جميلة ومعبرة عاشت الانامل الذهبية تقبل تحياتي اخي العاشق الصمت

تحياتي الك اخي علي
نوووووورت الموضوع

عاشت الايادي ابداع والله
تحياتي

نووورت الموضوع
تحياتي الك