اقليم الانبار ’’’ بقلم الشاعر احمد هندي

الحزن في موطني بعروكي احسَن ,,, سره
ونكشف امر الذي كل ضنه دافن ,,, سره
مو شرط يفرح تره خاين الوكته ,,, سره

وشصك عجب يا وكت في داخلي ,,, وبره تل
جوه جبل من حزن جوه الكلب ,,, بره تل
جيراني شفته الصبح ضارب عكس ,, بالرتل
وشفته بصلاة العشة ايصلي ب اول سره

اقليم كالوا ردت .. وبسمي حجت شلة
وما اكدر امن الجرح احجي الحجي كله
يا موطني اعتذر ... ما عندي غير الشعر
الرادوهه فعلا جمع لكن جمع قلة
الجانوا اويه الاجنبي ...صحبان جانوا امس
وكت التظاهر اجو ....بس غيروا باللبس
دولار لاجمكم,,,, هسه احترك دمكم ؟؟ صار الوطن همكم
(( تطالبون بأخراج المحتل))
المحتل تره البارحة ضارب غده يمكم
أي مره ويه الوطن ... مره اويه مستر جون
يبوكون اول سنة... وثاني سنة يحجون
والقهر بسم الوطن بسم الوطن يحجون
واقليم كالوا ردت وصارت علي زله
وشلي بعد بالعنب والراحت امسلة
اتريد اخرب الغزل
وعن خوتي انعزل
ومتجية جانت علي البصرة والحلة
شكد فرق بين الوطن ينباع بالشدة
وشكد فرق بين الوطن ينباع بالشده
وشكد فرق بين الوطن بحزام وشده
اقليم لا ما ردت
اني الردت للوطن امسح دمع خده
اقليم كالوا ردت وبسمي حجت شلة
واني العلية وطن واكف وطن كله
اني الوطن لمته
واني الوطن وحدته
واني الوطن سنته
واني الوطن شيعته
متلوكلي الذلة
المحب بعده محب لا ما نكر خلة
والضيف لمن يجي إدَنك الدله
الدرب نفس الدرب والزلم نفس الزلم والبيت نندله
الانبار ما تنفصل
الانبار اني الوطن واني الشعب كله

قصيده في قمه الابداع عاشت الايادي

تحياتي الك يا ورده

(فتى الظلام)

ابداع وروعه
المحتل تره البارحة ضارب غده يمكم
أي مره ويه الوطن ... مره اويه مستر جون
يبوكون اول سنة... وثاني سنة يحجون
والقهر بسم الوطن بسم الوطن يحجون
واقليم كالوا ردت وصارت علي زله
وشلي بعد بالعنب والراحت امسلة

عاشت الايادي غلاي
لك مني اجمل تحيه

نوووووووووورتو
يامبدعين
تحياتي الكم

عاشت الايادي كلمات روعة وجميلة

نووووووووورت بمرورك الكريم
تحياتي الك يامبدع