قصيدة الشاعر حمزه الحلفي خلصتهن ورقه ورقه

السلام عليكم حبايب
قصيدة للشاعر الكبير حمزة الحلفي




خلصتهن ورقة ورقة وماقريت



ورددت اخر رسالة البيها من كتلك تعال وما اجيت



ليش ماجيت وشفتني اكسر الخاطر



ادورعلى الصبح بيبانه مسدودة لكيت



وليش ماجيت وشفتني بس قميص مطرك



ويشرب جكاير وكاعد بعتبت البيت



وماصدك تجي وتشوفك العين



وهم يمر عليه يوم والاكيك



لو صح اللي ابالي وجيت يازين



يضيع لساني مني وبيش احاجيك



اصيرن عين كلي بطرك جفنين



واحير بياجفن منهن اخليك



علي سوي فضل يالجيتك دين



تعال وداعتك بعيوني اخليك



اتانيك ولهفتي تسابك العين



وادري ماتجي بس انه اتانيك



تمنيتك عمر وين التمني ؟



ولكيتك بالتعب بس خاب ضني



وبعد ماعودتني بشوفك ارتاح



تريد تروح ياريحة التفاح ؟



يسويهه البخت وتروح مني



انا من اشتاك ما احمل الفركة



اصيرن نار حتى الماي احركه



تذوب الروح اطيحن وركة وركة



وارد التم ولا مكطوع جني



يسويهه البخت وتروح مني



يسويهه البخت وتروح مني

--------------------------------------------------------------------------------